Moja codziynnojść do niektórych rzeczywiście wyglůndoł inaczij jak by to miało być ksiůnżkowo. Tak padajům. A joł sie pytům – co to znaczi ksiůnżkowo? Ksiůnżkowo żyć, ksiůnżkowo wyglůndać, ksiůnżkowo ważyć? Czy tak sie doł? Możno i sie doł. Poczytać, tak zrobić, ale… czy my w tym wszystkym kogojś nie udołwůmy, czy my w tym wszystkym kogojś nie grůmy? Jasny, poczytać, zainspirować sie, czamu by ni? Wszystko je do ludzi, ale… z umiarym, co by w tym wszystkim nie zatracić siebie.
To jak to z tům mojům codziynnojściům bywoł? Hmmm… na nuda nie narzykům, a jak yno zaczynoł mi sie nudzić to joł z tych, co to blank wartko robota se znajdujům. Pamiyntejcie – w pewnici i na górze we chałpie je dyncki cojś do posprzůntania, wyniejsiynia, poporzůndkowania i… jak już je blank źle to tam co znejdziecie. Ale… cza zacznůnć od poczůntku. Oprócz śpiywania, do tych co tygo o mie nie wiům – na co dziyń mům przijemnojść zarzůndzania przedszkolůma, ludźmi trocha tyż, uczynia j. niemieckiego we przedszkolu i… co by sam jeszcze dodać? To jest mój główni zawód i chociażby nie wiam co, nie wypbrażům se bez tygo życia. To ta takoł moja codziynnojść keroł czynsto zabiyrům ze sobům do dům bo? Lubia! I już! Nie zastanwiům se nawet nad tym czy moga mieć frei? Pewnie i moga, ale… to cza nagrać program – nowi odcinek, to cza cojś do interentu wciepnůnć na social media, to cza nagrać jakoł rolka, to cza trocha zrobić reklama na koncert premierowy płyty i tak wkoło cojś. Przeca jeszcze mům tyż bajtla, takygo już wjynkszygo – 11 lołt moł, ale wjycie jak je – cza go tyż przypilnować, co by nie prziszoł na gupiy myśli, a i czas do siebie je blank ważni co by go znyjść. Co by jednak mimo wszystko trocha dychnůnć. Poradza tyż niekedy, ale yno niekedy siednůnć na miejscu, kedy łostatnio jaki film widziałach nie pytejcie, jak już siedna to dycki blank wartko mi się zdazri usnůnć. A mój dziyń… zaczynoł se mniej wjyncij wele 6, a kończi jak dobrze idzie na nastympni dziyń po północy. Styknie mi tygo spania. Jak ktojś mie pytoł czy eh se wyspała to gołdům jedno – niy ma takygo słowa w moim słowniku. Tak na pół szpas, a na pół richtig tak je.
Czy chciałabych cokolwiek zmiynić? Czy chciałabych mieć wjyncij czasu? Czy chciałabych inaczij żyć? Ani przez chwila. Blank dobrze mi z tym, a wiam jedno – jak mi je dobrze to i wszystko inkszy prandzij czy nieskorzij samo sie wyjaśni. Jasne – mům marzenia, plany, plany na zmiany, ale to wszystko w swoim czasie.
Wasza
