Postarům sie co tydziyń Wům sam cojś naszkryflać od dzisiej… od ostatniego wpisu trocha minyło, ale wjycie – robota, bajtle, obowiůnzki, cza rychtować szczegóły premiery, a do tygo roztomajty inkszy problymy, chociaż jak joł to gołdům – „Niy ma problymów, sům rozwiůnzania”. No i … tyn dystans. Obiecałach, że opowiam wjyncij. No to opowiam…
Niy ma, że boli, niy ma, że niy ma czasu. Ponoć… ale… czas cza znyjść. Ponoć jak bardzo sie chce to idzie go znyjść na wszystko. Na wszystko padołcie? A no na wszystko. No ok, niekedy cojś jednak na tym ucierpi, abo ktojś, ale wychodza z założenia, że jak ktojś mie już znoł i wjy, że je do mie ważni to nie do końca liczi sie to wiela napiszą, wiela zadzwonia, ale że jak by zadzwoiůł i potrzebowoł pomocy to pomoga – niezależnie od pory dnia i nocy, tukej i tera. Nie lubia zołwiścić, nie lubia gołdać o inkszych źle. Jakby kożdi patrzůł na siebie, nie robiůł problymów inkszym i działoł i cis do przodku jak to sie gołdoł, to to życiy było by naprołwdy jeszcze dużo łatwiejszy i przijymniejszy, ale to by było za fajnie. Dycki znejdzie sie taki gizd, abo jakm to gołdajům „wrzód na rzici” co to poradzi trocham potruć to życiy, ale to yno skuli tygo, że jygo życiy je za nudny, że jygo życiy nie ukłołdoł się tak jak by tygo chcioł, no tak to już je. Ale… po co to joł sie pytům? Niech sie kożdi wejrzi na swój plac! I to tak dosłownie. A jak już słysza, że tyn moł to, tamta moł to, tamci tamto… no i co? Życz, a baje Ci życzone! Powiam Wům jedno – jak czowiek jest szczynśliwi to naprawdy nie potrzebuje żołdnymu nic udowadniać, żołdnymu robić na złość, a już na pewno nie potrzebuje zajmować sie życiym inkszych! Ale jak sům moł nudny życiy to biere sie za inksze, a świynti spokój je taki bezcynni. Naprołwdy… Szanujcie siebie, świat, ludzi wkoło! Bůndźcie do siebie einfach życzliwi, a reszta ułożi sie sama.
To jak? Poradzicie abo ni? Pamiyntejecie – mołsz pokój, dej pokój! A za tydzień ody mie wjyncij.
Wasza
