I stało sie – zajś moga do Wołs naszkryflać. Po mojymu blank. W końcu mům na to miejscy. Tukej – na mojyj stronie. Eli to je tak blank po ślůnsku jak by se miało pisać? Ni! Ale je tak blank po mojymu. Jak już wspomniałach na poczůntku. O czym sam bandam roprołwiać? Jak to padajům – o wszystkym i o niczym. Co piůntek baje ody mie co nowygo! Lubia to… bandam mogła se pożalić. Popisać. Pochwołlić. Podzielić sie przemyśleniůma – Jak to pjyrwi robiyłach jak “Karolin Łůnaczi” było w cajtungu. Dugo szukałach miejsca do reaktywacji i jest!
Na poczůntku taky mojy przemyślynia. Trocha już żyja na tym świecie. Geburtstag za niedługo zajś bandam miała, ale…. Joł mům dycki 22 lata. Pamiyntejcie! I nieważny wiela w gruncie rzeczy můmy lołt, a na wiela se czujymy! I tygo se cza trzimać. To taki wjycie “klucz” do modojści. A jak już gołdka o tyj modojści to prołda jest takoł, że czuja sie tak modo bo dycki dzieci wele mie – głównie skuli roboty, ale… mocka “dorosłych” to sami jak dzieci. Na czele zy mnům! Dyć kożdi z nołs moł przeca we sobie cojś z bajtla. Lubi sie pośmiołć, powygłupiać, nakusić. To łostatniy myśla, że przede wszystkim! To jako? Sům żejście kajś tak driny u siebie tyż taky mały bajtle? O! Bajtle – tak na dodatek to nasz nowi klub dziecięcy we Leśnicy, tyj naszyj wele Annabergu. Za niedługo baje tam głośno, gwarno i wesoło! Bajtle sie już radujům, a mamy i papy – to już ani nie wspomna! Bajtle bandům “rządzić” wele naszygo przedszkola, a to genau tera tyż je rychtowane na nowo. Baje co podziwiać! Mům takoł nadzieja.
Pytołcie nierołz jak joł to wszystko godzam. Zdradzam Wům sekret – nie narzykům i můI dystans – do siebie, świata i poroblymów, ale o tym za tydziyń wjyncij.
Wasza
